E tusa ma le $4,500 le tau aogā o le fesoasoani a le Kamupani a le Samoa Stationery and Books (SSAB) mo fanau i le Toomaga mo ē Puapuagatia le SVSG e tauala atu i masini komepiuta.
O lea foai na tuuina atu i le Toomaga ina ua faalauiloa le polokalame o le Nofotane i le vaiaso na tea nei ma na faate’ia le Faalapotopotoga ona o le vave ona tali atu o le SSAB ia latou talosaga na tuuina atu.
Ta’ua e le Pule Sili o le SSAB Tofilau Fiti Leung Wai o le fesoasoani mo fanau i le Toomaga mo a latou aoaoga a o iai i latou i totonu o lea Faalapotopotoga mo puipuiga.
E pei ona silafia ua tele ni polokalame tau aoaoga ua taulamua ai le SSAB ma o se tasi lea o vaega o le latou fesoasoani mo fanau laiti.
Na molimoli le faafetai a le Toomaga i le SSAB mo le fesoasoani tāua ma o le a faaaogā lelei mo aoaoga a fanau i totonu o le Faalapotopotoga.
