Ua faailoa i se faaaliga mai le malo i le vaiaso nei ua tatau nei loa ona taofia le toe faigaluega atu o tagata faigaluega mai o latou fale ae toe agai atu i ofisa.

Fai mai le Malo e pei ona lipotia e le 7News ua tatau ona toe faagasolo galuega e pei ona sau a’i a o lei oo mai le Koviti-19 ma ua tatau ona toe faigaluega uma i ofisa, lima aso o le vaiaso.

Peitai fai mai le iuni o loo tulai mo tagata faigaluega a le Malo le PSA Public Service Association, o soo se tagata faigaluega e lagona ua taofia avanoa e fetuunai ai le faatinoga o galuega e mafai ona fesootai atu.

O le faatulagana na faailoa mai e le Malo i le vaiaso nei ua faailoa ai e ave lava le faamuamua i le faia o galuega i le fale faigaluega, o nisi fetuuna’iga e faia e galulue ai mai le fale i nisi taimi e tatau ona silasila toto’a iai.

Fai mai le 7News e iai tagata faigaluega ua faailoa e sili ai ia i latou le faigaluega mai le fale i aso uma.

Puna o Faamatalaga: https://7news.com.au/news/back-to-office-for-nsw-public-sector-workers-in-cbd-boost-c-15598299.amp