E manatu vaega faaupufai a le Leipa ma le Green e tatau i le malo ona silasila ma le toto’a i le tulaga o iai nei le vaega o faasalalauga ma saili ni tali aemaise mo le faatemokarasi.
Ua faia lea gaioiga i le mae’a ona faailoa ai e le Warner Brothers Discovery e faapea, o le a tapunia uma auaunaga a le Newshub i le masina o Iulai aemaise le aveesea e le TVNZ o nisi o ana polokalame e aofia ai le Fair Go ma le Sunday.
Ua ta’ua i le lipoti a le 1News se faamatalaga a le Minisita o Faasalalauga ma Fesootaiga, Melissa Lee, ua mae’a ona ia galue i se pepa a le Kapeneta ae lei faailoaina ane ni faamatalaga e uiga i lea pepa ae pe ua silasila iai le Kapeneta.
Na ta’ua i se faamatalaga a le Palemia o le matafaioi a le Malo o le fesoasoani i kamupani faasalalau ina ia faaauau ona amata ni mea fou ae o le mea moni o loo iai ni tulaga tetele tau pisinisi o loo feagai i le taimi nei, macro consumer trend.
Puna o Faamatalaga: https://www.1news.co.nz/2024/04/11/media-minister-had-enough-time-to-find-solutions-opposition
