Ua faailoa e le kamupani vaalele a le Ea Niu Sila ua faaopopo le aofai o lana aufaigaluega ma toe faafaigaluega isi tagata e feagai ma se vaega tele o talosaga mo refunds mai femalagaaiga na aafia i le taimi o lologa i Aukilani aemaise le afā o Gabrielle.

Ta’ua e le kamupani pe ā ma le 20 afe claims o refund o loo faagaioia i le taimi nei ma o loo faatino le mafai e gata ai mo le faavave ona faaoo ia refunds i pasese.

E le gata i tupe toe faafoi mo pasese ua le mananao e fetuunai aso o faigamalaga ae faapea foi mo i latou na le oo malaga pe suia foi taimi ma ua faatoese ai foi le kamupani i pasese o loo faatali pea mo tupe e toe faafoi atu.