Ua faailoa e le Palemia o Ausetalia, Anthony Albanese i le mae’a o le la talanoaga ma le Peresetene o Amerika, Donald Trump, ua ia faailoa ane ai o loo iloilo i le taimi nei le mataupu faatatau i le faia o lafoga tariffs i luga o le u’amea ma le alumini mai Ausetalia e aveina atu i Amerika.
Ua faailoa mai lea tulaga e le Palemia ina ua mae’a le la talanoaga ma Trump i le telefoni.
Peitai ua lipotia i le asō ua mae’a folafola e Trump o le a leai se atunuu e ‘alo ai le tulaga ua mae’a folafola mai.
E 223 afe tane o le u’amea na ave e Ausetalia i Amerika i le tausaga na te’a nei ma le 83 afe o tane o le alumini.
Faailoa se finagalo o le ta’ita’i o le itu agai, Peter Dutton i le mataupu lea ma ia ta’ua ai na te fia faailoa atu se fe’au manino i le Pulega a Trump ma o le sootaga i le va o itu e lua o le a faaleagaina pe afai e faatumauina pea lafoga ia a Amerika.
Puna o Faamatalaga: https://www.abc.net.au/news/2025-02-11/albanese-trump-phone-call-steel-and-aluminium-tariffs/104921760
