Ua faailoa mai le Palemia o Ausetalia ia Anthony Albanese e lei gausia lana folafolaga sa faia ile taimi o le palota e faatatau i le le faia o ni suiga i le supa e ala i lona siitia o le totogi o le tax o le a iai mo tagata  ua silia ma le tai 3miliona  paleni o supa. 

O loo iai le fuafuaga a le faigamalo e faaluaina le aofai e totogi o le tax rate mo tagata tetele supa lea  e faapea e ono aafia  ai tagata  e oo atu i le 80 afe.

O le faamatalaga na faia a Albanese i le Leitio a le ABC ua ia taua ai lea tulaga e lei gagauina lana folafolaga na faia.

Fai mai le taitai  o le itu agai Peter Dutton o le a le  nofonofo ai ma vaai atu ile tele  o  tagata  Ausetalia o osofaia i nei faiga . Saunoa ai le latou sooupu i mataupu tau tupe, o le faiga ua folafola mai e le malo ua solia ai le talitonuga o tagata ia i latou ma afai ae le talitonuina le leipa i le mataupu lea i le supa, pe ole a faapefea la ona talitonuina i latou i isi lafoga.