Afai ae pasia seisi taumafaiga a le malo, o se health proposal, e ono vaaia ai loa le faasa o vaiinu suamalie I aoga maualalalo ma o le a nao le vai, ma le susu e faatagaina. O le fuafuaga lea na faalauiloa I le aso ma lipotia foi e le stuff.
O vaiinu suamalie tusa lea o le silia ma le kuata o vaiinu o loo inuina e le fanau ma o lenei proposal ua taua o loo lagolagoina e le soifua maloloina, Fai mai le minisita o Aoga, Chris Hipkins afai ae aai ma feinu lelei tamaiti, e tele ona penefiti ma lelei foi mo le olaga aoaoina.
O le taimi nei la o le a faamatuu atu lea fuafuaga mo le faailoa iai o finagalo o tagata lautele.Fai mai le minisita o suesuega na faia ua iloa ai o le faaleagaina o nifo, ole ituaiga faamai lea o loo taatele i tamaiti I NIu Sila aemaise o le soona puputa.
O le faatalanoaga la faalauaitele o le a maua ai le avanoa mo aoga ma tagata faigaluega o le soifua maloloina e faailoa ai o latou finagalo I le mataupu. O isi vaega o loo iloiloina ile taimi nei e aofia ai le faalauiloa o taumafa paleni ma soifua maloloina.
O loo faagaioia e le matagaluega o aoga le faatalanoaga ile mataupu lea ma e tapunia aloaia finagalo faaalia I le aso 2 o Iuni.
