Faatupulaia pea le motusia ma gaoia uaea o pou eletise i Kalaiesetete.

O le copper lea o loo i totonu o uaea eletise nei o loo toe faatau e tagata gaoi e maua mai ai le tupe, peitai o le popolega e lē gata o lo latou saogalemu a o tagata lautele ona o lea e uma lava ona ooti uaea o loo ola, ma tuu ai lava faapea.

Ua 18 masina talu ona faaauau pea i Kalaiesetete, ma e faapea o totonu o le 6 masina talu ai ua faaopoopo pitonuu e faaauau iai, mai Springfield agai i New Brighton.

Mai le pulega a le Orion Electricity, e ono ma’umau ai le soifua i le ooti o uaea eletise o loo ola.

O le copper o loo toe faatau e i latou nei e faapea e tusa lea ma le $10 i le kilokalama, ma ua sau ai ma le feau e sili ai le alu e su’e le galuega.

E lē gata la i uaea eletise, ae faapea power boxes ma o pusa nei e lē o na o Kalaiesetete o loo faia ai o lea foi le tele o isi vaega o le atunuu. 

Ua pasi ma le $1 miliona tupe faaalu a le Orion e toe faaleleia ai uaea eletise faaleagaina.