O le a faatupe e Setete ma faigamalo a le Feterale le isi 180 afe o avanoa i aoaoga i le TAFE ona o se taumafaiga e faaitiitia le faafitauli o le toaititi o tagata faigaluega i Ausetalia.

Ua faailoa i lipoti a le SBS se folasaga a le palemia ua faia i le tatalaina aloaia o le Jobs Summit a le Setete na amata faagasolo i Canberra i le asō.

Ua faailoa ai e Albanese o le paketi e 1.1 piliona ua malilie iai Setete ma teritori faapea taitai o le Feterale ma le kapeneta i le vaiaso nei e fesoasoani ai i manaoga tuga ua iai nei mo ni tagata faigaluega i totonu o Ausetalia.

O avanoa tau aoaoga e pei ona taua ua faailoa o le a totogi uma le faatupeina e le Setete ma faigamalo a le Feterale.