O tausaga taitasi e faatulaga ai tusifolau o atunuu o le lalolagi e fua i lo latou malosiaga o iai ma o lea faiga e faagaioia e le ofisa o le Henley and Partners lea ua o latou faailoa i le aso ua faaopoopo le malosi o le tusifolau Ausetalia.
O le faatulagana mo le tausaga lenei 2023 ua faate’ia ai le toatele i le atunuu ua see ane i le pito i luga poo le numera 1.
O Iapani ua lima tausaga o iai i le tulaga lea peitai ua unai ese nei e Singapore lea fai mai le suesuega o le tusifolau Singapore e le manaomia ai se visa e malaga i atunuu e 192.
E silasila le suesuega i le aofai o nofoaga e mafai ona malaga iai tagata e aunoa ma le manaomia o ni visa ma o faamaumauga e tuuina ane mai le International Air Transport Association e faatulaga ai le lisi lea i tausaga taitasi.
O Singapore la lea ua sili, sosoo ai ma Siamani, Italia, Spain ma Austria.
O Ausetalia sa tulaga 8 ae ua see mai i le tulaga 6 e 186 atunuu e mafai ona malaga ai e aunoa ma se visa e manaomia. O Niu Sila o loo i le tulaga 5, e 187 atunuu e mafai ona agai iai e aunoa ma se visa manaomia.
