Ua faamatuu mai e le malo le faataatiaga o le a iai le toe tatalaina o tuaoi ole atunuu. O le laasaga muamua ua faatulaga mo le aso 27 o Fepuali ile 11.59 o le a faataga ai tagata Niu Sila ua maea ona faia tui puipui ma isi tagata malaga ua agavaa mai Ausetalia, o le a mafai ona ulufale mai ile atunuu ma faaanofoesea i o latou fale.
Lua vaiaso mulimuli ane o le a faataga ai tagata NIu Sila mai isi atunuu ole lalolagi e ulufale mai I le atunuu ma faanofoesea foi i aiga. O tagata faigaluega e iai tomai ma o loo matua manaomia aemaise tagata o o latou aiga e mafai ona ulufale mai foi ile atunuu.
O le laasaga 3 ile aso 12 o Aperila o le a silasila ai ile faatagaina mai o i latou o loo mafai pea ona faamalieina aiaiga o visa le tumau, tamaiti aoga faavaomalo, ma le tuu avanoa I tagata faigaluega e le o mafai ona ausia le median wage test.
O le laasaga fa ua faatulaga e amata e le silia le masina o Iulai, o le tatala lea o soo se tasi mai Ausetalia e malaga mai aemaise I latou e umia le Accredited work visa. O le laasaga 5 ia Oketopa o le a tatala ai loa tuaoi mo soo se tasi e fia malaga mai I NIu Sila mai soo se vaega o le lalolagi.
