O le aso 15 o le masina o Setema o le tausaga nei lea ua faatulaga e fofogaina ai le apili a le alii taalo o Manase Fainu i le iuga o le faamasinoga ua faamaonia ai lona faaoolima i se youth leader i fafo ane o le nofoaga sa fai ai se faamoemoe o le Ekalesia Mamona i Sini.
O le alii o Fainu, sa taalo i le lakapi liki na faamaonia lona moliaga o le faaoo manu’a faamoemoeina ia Faamanu Levi ia Oketopa 2019.
Sa tuuina iai le faaiuga a le faamasinoga e 8 tausaga e falepuipui ai, ma e faatoa agavaa i le palola pe a mae’a tuli tausaga e fā ma le tolu masina.
O le Aso Tofi o le vaiaso nei na fofogaina ai lana lu’i i le faamasinoga o Apili a Niu Sa Uelese ma ua faatulaga ai loa la o le aso 15 o Setema o le a auiliili ai le mataupu.
