Ua faatulaga mai nei e le malo uluai faatulagana patino mo i latou e sauniaina fale mo taimi o faalavelave faafuasei poo emergency housing providers.
E ui e lē o faamalosia ae o providers uma e lē usitaia ia faatulagana ole a ese foi le silasila iai a le matagaluega o le Social Development.
Saunoa se sui o le matagaluega e amata i le aso 6 o Novema faatoa mafai ona tuuina le Emergency Housing Special Needs Grants mo a latou paaga e auai i faatulagana e pei ona faataatia ane.
Pe ā ma le 4 afe tagata i se taimi e tasi e aumau i nofoaga ia emergency housing mo ni vaiaso pe masina foi.
O nisi la o mea ua faatulaga ane e ao ona ausia e providers e aofia ai le tatau ona saogalemu le nofoaga, saogalemu pe a faavevela ni taumafa, ia tutusa le auaunaga e saunia ma le auaunaga i se malo poo se tagata e aumau totogi i se faletalimalo ma ia iai pea le aiātatau a le aiga e tapunia ai o latou faitotoa.
