Ua iai nei se scheme ua faatulaga mai e le malo mo le aufaifaatoaga e totogi ai kasa e alu ae i le siosiomaga mai faatoaga, o se tali lea a le malo i fautuaga mai le Climate Change Commission poo le Komisi o fesuiaiga o le tau.
Ua o latou fautuaina le aufaifaatoaga ia amata totogi loa levi mo emissions i le 2025 ma o le tau o le a faatulaga ane lava e le malo e fua i luga o le fautuaga mai le komisi ma le fesoasoani mai isi vaega.
O se pepa o feutanaiga sa faia ua faalauiloa aloaia i le asō ua iloa o levies poo le lafoga o le a apalai i faifaatoaga ma totolaau ua lesitala mo le lafoga totogi faaopopo poo le gst ma ausia nisi o mea ua faatulaga ane.
O le a fua foi le aofai e totogi e le faifaatoaga i le tele o lana faatoaga, poo le tele foi o le lafumanu ma le fetalaisa o loo faaaogaina ai.
O le Zero Carbon Act na pasia i le 2019 na faatulaga ai se taulaiga ina ia faaitiitia le aofai o kasa e faamatuu atu i le siosiomaga ma aafia ai i le 0 poo le leai o se kasa pe a oo i le tausaga 2050 ma ua feta’ua’ina foi le iai o se peimeni e fesoasoani e faia e le malo mo faifaatoaga e faaaogaina ai faiga faatekonolosi e faaitiitia ai le faaalu ane o le kasa i le siosiomaga.
