Na tuai ona tuua aoga e tolu i Gisborne ona o faiga taufaamata’u ananafi.
O le aoga maualuga a Lytton High, kolisi a Campion faapea le aoga tulagalua a Riverdale Primary lea na sau le feau i mātua e aua ne’i o atu i aoga ona o loo tapunia.
I fautuaga mai leoleo na tapunia ai aoga uma nei, ma i luga o faasilasilaga i luga o le Facebook i le taimi tuua ananafi na ta’ua ai o loo saogalemu uma faiaoga ma fanau, pau o lea aua ne’i o atu i aoga seia toe logoina mai.
O le te’a o le 4 i le afiafi ananafi na faato’ā sau ai le tala ua mafai ona piki fanau aoga, peitai o lea lava na iai leoleo i lea nofoaga.
O faiga taufaamata’u na tapunia ai aoga nei na tauala atu i le telefoni, ma fai mai leoleo o loo faia pea suesuega.
Puna o Faamatalaga: Lockdown lifted at Gisborne schools after threat | Newshub
