Ua faamatuu mai nei se faaaliga e faatatau i le suāvai mo le faaitu o Aukilani ina ua mae’a se suesuega sa faia ma maua ai le siama o le E.coli.
Fai mai o lea faaaliga e mo ni vaega e pei o Hillsborough, Mt Roskill, Royal Oak ma Three Kings ma pe ā ma le 7,500 aiga o loo aofia ai i lea faaaliga ina ia faapuna le suāvai a o le’i taumafaina.
Ua fautuaina foi le faaaogāina o faguvai faatau ma o loo tālia se isi tala lata mai i se taimi o le asō.
Fai mai le RNZ o le faaaliga o loo ta’ua ai ia faapuna pea le suāvaipaipa faato’ā faaaogā ai se’i vaganā ua iai se isi faaaliga.
E lua tanevai ua faatulaga i le 113 Duke Street, Big King Reserve, ma le kapaka i Hillsborough Park, Carlton Street e fesoasoani ai mo ia faaitu a o faaauau pea ona māta’itū le faaletonu.
Puna o Faamatalaga: https://www.rnz.co.nz/news/national/591610/boil-water-notice-for-auckland-suburbs-until-further-notice
