E 14 pulega a nuu ua faatonuina ua tatau nei ona faaopoopo le minerale ua ta’ua o le fluoride i le suavai maua.
O le faatonuga lea e tauala mai i le faatonusili o le soifua maloloina, Dr Ashley Bloomfield a o tulai ai mo le taimi mulimuli i lona tofiga ae e le’i faamae’a aloaia lana faamavaega.
O le tausaga talu ai na toe teuteu ai le tulafono ia mautinoa o loo faaopoopo le fluoride i le suavai maua, ma na ta’ua e Bloomfield ananafi o lea ua mae’a tusi i councils e lē o maua lea minerale faaopoopo.
O se tusi foi ua ta’ua ai e le faatonusili ua mae’a logoina pulega o le a toe tulitatao atu i se taimi o i luma le talosaga.
Saunoa ai Bloomfield e ta’ua tele le maua o lea minerale faaopoopo mo oloa ma e pito sili ona penefiti ai fanau, tagata Maoli faapea tagata Pasefika o loo maualuga le lamatia.
I lipoti o loo talia lelei e foma’i fa’inifo le faatonuga, peitai e iai nisi o councils o loo faaluafesasi ona o le tau e totogi.
