Ua faamauina i le talafaasolopito o le ‘au lakapi a le Fijian Drua mo le uluai taimi lo latou faatoilaloina o le ‘au malosi a le Crusaders i taaloga o le Super Rugby i le faaiuga o le vaiaso.
E ui e na o le 1 le ‘ai na malo ai le Fijian Drua peitai o se manumalo o le a manatua pea e lenei ‘au ona o se matatia ua o latou ausia.
O se taaloga na toe tali mai ai le Fijian Drua ona o le telē o le latou faia’ina na malolo ai i le Crusaders i le tausaga na te’a nei.
Ta’ua e le Kapeteni a le Fijian Drua, Tevita Ikanivere, e matuai lagona le fiafia ma le faagaeetia ona o le latou taumafaiga ma e ave lana faamalo i alii taaalo lea na finau mo se ‘ai mo Fiti.
O lea taaloga mataina na faataunuuina i le malae i Lautoka. O ‘ai faaiu o le taaloga Fijian Drua – 25, Crusaders – 24.
