Ua faatoese le kamupani vaalele a le Latam ma fai mai o le a ia toe totogia mai tupe faaalu ona o le faaletonu o le vaalele na manunu’a ai nisi o le pasese faapea sui o le aufaigaluega.
E toatele ua toe molimau i le lelei o fesootaiga mai le kamupani vaalele talu mai le afiafi o le Aso Gafua, ma o nisi e oo lava i tagata e lei faamanu’alia ua finau o lea lava foi na toe pisi atu ai ma latou e fesoasoani i pasese manunu’a.
Ua māua e tala fou e lei iai se tala mai le Latam ua faapea mai ai o le a toe faafoi mai tupe na totogi mo pasese o i latou na aafia.
O le faatoesega na faatoa sau ai i tua anapo a o faasauni le isi faigamalaga a le vaa a le Latam anapo e tuua Aukilani mo Amerika i Saute.
E toatele pasese ua toe molimau i tala a le Herald, e lē faigofie le toe vave malaga i le faatoa uma ai o le faalavelave na tupu.
Ae i suesuega o loo faasolo e pulega e gafa ma auaunaga a vaa a le Latam, o loo faasolo pea i le taimi nei.
O tagata na faamanu’alia i le afiafi o le Aso Gafua ma o lea na auina atu i falemai o le pasese e toasefulu e aofia ai tagatanuu Niu Sila, Chile, Ausetalia, Farani ma Brazil, ae toatolu sui o le aufaigaluega.
