Ua faatoese le alii o Anthony Joshua e tusa o ana gaioiga na fai ina ua mae’a le fusuaga ma Oleksandr Usyk lea na faia’ina ai.
E faalēmanuia ana gaioiga na faia atoa ma ana faamatalaga sa ia lafo ina ua toe foi mai i le mae’a ma faaaogā le masini faaleotele leo.
O ni uiga ua matua’i upuia ai i luga o upega tafailagi ma upega o fesootaiga mai lava i le taimi na mae’a ai le fusuaga i le aso ananafi.
I lana faatoesega lea na faia i le twitter ua ia faamanuia ai ia Usyk ma ta’utino i se tulaga na iai lona tagata i le mae’a o le fusuaga.
Na ta’ua foi e le alii fusu e fiafia tele i le taaloga o le fusuaga ma o le a amata atu ii ona toe taumafai e faalelei lona tagata.
