Ua faamauina i le suesuega na faia e tauaofia uma ai tagata o le lalolagi ua alu i luga le toatele o tagata e maua i le tino puta, ma ua maua ai foi o le toatasi mai le toalima tamaiti ua maua ai.

O suesuega nei na faia e se tasi o Iunivesite i totonu o Saina, ma o totonu o le 10 tausaga ua tuanai lea na faamauina ai le vave ona faatupulaia o tagata e maua i le tino puta.

Ae i fanauiti, o le popolega pe a fua i faamaumauga e oo atu i le tausaga fou pe ā ma le 206 miliona fanau e maua i le tino puta.

I totonu lava ia o Niu Sila o loo tulaga tolu i le faatulaga o atunuu i totonu o OECD e maua i le tino puta, ae lona lua i le faatulagana o fanau e tino puta.

Tuu mai ai i tagata Pasefika i totonu o Niu Sila e lata i le 28% fanau Pasefika e lavea i le lisi o fanau ua maua i le tino puta, ma o loo iai nei le polokalame o loo tuufaatasia e le Iunivesite a Massey e taumafai ai e faia se suiga e faaitiitia ai le toatele o o tatou tagata e maua i le tino puta.

Puna o Faamatalaga: https://www.newshub.co.nz/home/lifestyle/2024/06/scale-of-childhood-obesity-revealed-in-a-new-global-study.html