A o faatalitalia pea le atoaga o le tala faatatau o le tupe o le a folasia i le aso 14 o le masina nei, ua faailoa mai foi i lenei vaiaso se isi faamāmā avega mo le fanau aoga.
O se isi foi peimeni e $320 i le vaiaso mo tamaiti aoga ua faatulaga mo le faataitai o tomai i galuega, students on placement e faaopoopo atu i le isi faamāmā avega sa faailoa atu ananafi e fesoasoani ai i pili o aoga.
O le folasaga la i le vaiaso nei ua aofia ai ma le peimeni lea o le Commonwealth Prac Payment e fesoasaoni ai mo tulaga tau aoaoga, tausi soifua, faatosaga ma auaunaga social workers mo tamaiti aoga ua oo atu i le vaega e faataitai ai ona faigaluega i galuega e patino e iai tomai sa aooga ai, e faia lea tulaga ina ia maua ai o latou faailoga tikeri.
Fai mai o le peimeni e $319.50 i le vaiaso mo le taimi atoa e faia ai a latou placements nei, ma pe ā ma le 73 afe tamaiti aoga e ono agavaa ai ma e faatoa amata totogi ia Iuni 2025.
Puna o Faamatalaga: https://www.9news.com.au/national/federal-budget-2024-cost-of-living-relief-what-to-expect-anthony-albanese-jim-chalmers-explained/96f5bc56-71c3-4013-ac85-80c403f26953
