E ono faasala nei le loka a le Sharks, o Dale Finucane i le tolu vaiaso e lē taalo ai ona o lana pu’e mata’utia na faia i se tasi o alo o Samoa i le taaloga lakapi liki, Stephen Crichton mai le Panthers.

Ua gugulu le to’atele o le aumaimoa i le mataupu lea ma ua faailoa e le 9News i le asō afai ae agai Finucane i le judiciary i le aso a taeao e finauina ai lana mataupu ae lē faamanuiaina o lona uiga o le a faasala loa i le tolu vaiaso e lē toe taalo ai.

O loo ia apili le faai’uga na tuuina ane ae o se mataupu foi o loo eseese ai nisi iloga i le taaloga. Faailoa e Andrew John o le pu’e e le’i fuafuaina ma e lē tatau fua ona iai se faasalaga, ae fai mai Brad Fittler e tatau ona faasala auā o loo aofia ai ma fesoota’iga i le ulu.

O loo ta’ua i le lipoti na auina atu Chrichton i le falema’i mo togafitiga ona o aafiaga o lea pu’e.