I lipoti a le Televise tasi ile taeao nei ua faailoa ai le valaauina ole afioga Fiame Naomi Mataafa ma ni sui se toalua o lana vaega faaupufai I luma o le faamasinoga ile taeao analeila ona o se mataupu e iai lona sootaga i iuga o le faigapalota. O se faamatalaga lea na faailoa e Fiame I le Breakfast Show a le televise tasi.
E le o toe po se lilo I le faamoemoe na faataunuuina ile aso ananafi na faatauto ma faalauiloa ai lana kapeneta I sauniga na faia ile faleie ile malae I Tiafau.
Taua ile lipoti se saunoaga a le saofaapito o loo luiina nei ile Tulafono le iuga o le faigapalota ae o leisi mataupu e pei ona faailoa ole private prosecution lea na valaauina ai I latou ile faamasinoga.
O loo faatalia seisi lipoti lata mai I lea mataupu ae ise saunoaga a le susuga Tuilaepa Sailele Malielegaoi na faasalalauina ile aso ile 2ap na faailoa ai le tumau pea o lo latou finagalo ina ia faafofogaina le apili a le latou vaega faaupufai ile faamasinoga.
