O loo faatalia se faaiuga a le alii faiaoga o Brad Fittler i le tama taalo o le a sui tulaga i le alii o Nathan Cleary mo le ‘au a Niu Sa Uelese i le State of Origin, lea ua mautinoa o le a lē taalo i le taaloga lona lua ona manu’aga mai le faaiuga o le vaiaso.
Peitai o se lipoti ua agiga i le 9News i le aso ananafi ua faailoa ai finagalo faaalia o nisi iloga i le taaloga mai le faaitu o Kuiniselani le alii o Darren Lockyer ma Wally Lewis ua o la ta’ua ai o Adam Reynolds e manatu o le a sui tulaga ia Cleary ma o se suiga lea o loo faafefefefe iai Kuiniselani i le fetauiga lona lua.
O Reynolds, 32 tausaga ua fai si umi e lei toe taalo i le Origin talu mai le 2016 ma e manatu Lockyer ma Wally o le tagata aupito sili lea a Niu Sa Uelese e suitulaga ia Cleary.
O le taaloga lona lua o le Origin o le a faia i le Suncorp Stadium i Kuiniselani i le aso 21 o le masina nei.
