A o faasolo ai pea le faitauina o le palota a Solomona, o lea ua uma ona faitau palota a le itumalo a lē sa Palemia, Manasseh Sogavare ma ua toe faamanuiaina.
Ua mae’a faitau palota o le itumalo a Sogavare ma o lea ua toe foi mai, e ui o loo tuufesili pea nei le iuga mo lana pati, Our Party.
E oo mai i le taimi na tuufaatasia ai tala fou e toafā sui o le kapeneta tuai a Sogavare ua mautinoa ua toe foi mai, ma o lipoti o le taeao o le Aso Toonai o loo palota silia le pati a le sa palemia, Our Party i le 34%, lona lua iai le Democratic Party e 26%.
A o faatali ai pea la le iuga o le faitauga o le palota a Solomona, tasi le itu ua amata ona vavala mai e ono faaitiitia sui faipule tamaitai o le paeaiga lenei.
O le palota lenei a Solomona na leoina e leoleo ma sui o militeli a Ausetalia, Niu Sila, Papua Niu Kini faapea Fiti ma o le vaiaso nei e iloa ai le iuga o le pati e tulai mai, a leai o pati e fausia faatasi se isi faigamalo.
Puna o Faamatalaga: Solomon Islands political chess match begins, with Manasseh Sogavare re-elected in East Choiseul | RNZ News
