O se taimi o lenei vaiaso o le a taunuu ai le faigamalaga a sui o le malo o Saina i Solomona.
O le faamaoniga lea mai le Palemia o Solomona, Manasseh Sogavare ma e faapea o loo ta’ita’ia atu e le minisita o le va i fafo a Saina, Wang Yi.
O se faigamalaga ua tapena ai atunuu e lua e sainia nisi maliega fou, ma i saunoaga a le Palemia ia Manasseh ananafi o loo tālia ma le agaga fiafia le taunuu atu o lea ‘au auā lava le faamalosia o faiga faapaaga ua iai lenei.
A o tālia ai Saina, na faamautinoa mai ai foi e Manasseh o se taimi o le masina fou poo Iulai o loo faatali mai ai Solomona i sui o le malo o Niu Sila.
