E toalua tagata o loo faatalanoa nei e leoleo ina ua lipotia le vaaia o se fana ma agai ane loa iai se vaega tele o leoleo i le ogatotonu o Aukilani i le taeao analeila.
Na agai ane leoleo faaaupegaina i Hobson St i Aukilani ma sa molimau se tusitala mai le televise tasi i le vaaia o leoleo pe ā ma le 13 ma taavale petolo a leoleo e 6 i le ogatotonu o le taulaga.
Fai mai le sooupu a leoleo na lipotia le vaaia o se fana i le faaitu lea o Aukilani ma faamatala e molimau na vaaia ni tagata se toalua o misa i luga o le alatele ma vaaia ai i le taimi lea le faalala ane o le fana lea i le isi alii na aofia i le vevesi ma fai iai le faamatalaga e na te fanaina o ia.
E leai se tasi o lipotia ni manu’aga ae o oo agai leoleo i le sailia ane o le fana e pei ona feta’ua’ina.
