O le faai’uga o le tausaga e amata faataitai ai e Aukilani trams nei e lē tau moomia ai ni auala e pei o auala trains o loo iai nei.
O le masina o Me na faatalanoa ai e le komiti o fela’ua’iga a le puleganuu a Aukilani lenei fuafuaga mo tagata Aukilani ma o se faiga o loo faaofi mai e le kamupani Saina, le China Rail.
O lea trial ua galulue faatasi ai nei le Auckland Transport, China Rail ma le TransitNEXT lea e sau mai ai trams, ma o i latou nei o loo faia talanoaga e fuafua ai lenei faataitaiga.
O le auala pasi a le Northern Busway i le va o Akoranga ma Albany lea e fuafua e faia ai trials nei i Aso Sa, ma ua filifilia lea ina ia aua ai ne’i aafia feoa’iga masani a pasi o loo iai i le taimi nei.
O trams nei o loo faaaogā e atunuu e iai Mexico ma Shanghai ma o le faai’uga foi o le tausaga o loo fuafua e faataitai ai e Perth i Ausetalia.
E tusa ma le 300 tagata e mafai ona ave e le tram, e ola i le eletise toe lē moomia se avetaavale.
O le faai’uga o le tausaga ua te’a, ae e lē o mautinoa mai se aso tonu e amata ai.
Puna o Faamatalaga: Trackless trams trial coming to Auckland | Stuff
