O se faamanatu mo avetaavale aemaise lava talavou, ua lipotia e le 7News se teine talavou ua faasala nei e totogi le $3870 mo se gaioiga lē saogalemu na ia faatino.
Fai mai le lipoti na maua o alu le taavale i le saosaoa e 60 km i le itula na sili ai nai lo le saoasaoa faatapulaa ae alu i le itu sese o le alatele, ma fai mai sa ia overtake pe tipi le isi taavale sa i luma ae na tupu i Guildford i Sini i le amataga o le vaiaso nei.
Na taofia e leoleo ma tuu iai le faasalaga lea ma ua faamalolo lona laisene mo le ono masina.
O le fautuaga mai leoleo a o aga atu foi i le faaiuga o le vaiaso, ia tausisia tulafono o le alatele ma e sili lava le puipuia i lo le tau togafitia.
Puna o Faamatalaga: https://7news.com.au/news/teen-whacked-with-3870-fine-for-unsafe-act-c-14765200
