O pati ma fiafia o le faamanatuina o le Australia Day poo le aso mo Ausetalia o le a faasāina mai le faitau selau o papu i le atunuu ina ua mae’a le faasilasilaga mai se tasi o kulupu e feagai ma auaunaga tau taligamalo, o le a o latou lē faailogaina lea aso.
Ua ta’ua i le Alaata 9 o le Australia Venue Co, lea e umia le lata i le 200 o papu ma pa i le atunuu ua o latou faailoa latou te lē faailogaina fiafia o lea aso ona o le aso lea e mafua ai le faanoanoa ma le tiga mo le to’atele o ona sui ma tagata faigaluega.
O Kuiniselani o le a matua’i faalogoina ai aafiaga o lea sa aua pe 90 nofoaga faapea o lea auaunaga e aofia ai ma nisi faletalimalo tetele.
Fai mai le faamatalaga a le sooupu o lea auaunaga o le Australia Day o se aso e mafua ai faanoanoaga mo nisi o le komiuniti ma ua o latou faia ai lea faai’uga.
E tele foi isi pulega faalotoifale latou te lē faailogaina le Australia Day lea e masani ona faailoga i Ausetalia i le aso 26 o Ianuari i tausaga ta’itasi.
Puna o Faamatalaga: https://www.9news.com.au/national/australia-day-parties-banned-from-popular-bars-and-pubs/ff8786f7-7786-4113-ae4e-e8d551eba8c5
