O le tausaga fou o le a le toe faatagaina ai ni telefoni feaveai e le kolisi o Ashburton.
O se tala lea mai le puleaoga ma le mafuaaga sei tuuitiitia ai le tele o le vevesi ma faalavelave i aoga.
O se suiga e le o mafai ona aloaia vave i le taimi nei e tusa ma tala a le puleaoga ona o suesuega tutoatasi o loo faia nei e feta’ua’ina ai misa ma fusuaga poo le bullying, lea foi na faasalalau i luga o televise.
E ese mai i le faalavelave i aoga faapea faiaoga ae ua avea ma faitotoa ua tele ina tulai mai ai vesiga i le va o fanau aoga ma ua faigata tele i le aoga ona o le tele o loo tutupu atu i tua.
I lipoti a le leitio a Niu Sila, na matuai talia ma le fiafia e faiaoga lenei tala ina ua faailoa iai e le puleaoga ma e faapea foi le lagolago a matua.
