E to’a 100 foma’i fou e aumai mai fafo faatasi ma le $285 miliona lea ua faailoa e le malo o le a siitia ai auaunaga faalesoifua mālōlōina.
O lenei fesoasoani e amata aloa’ia mai le masina o Iulai o le tausaga nei ma e faaauau ai mo le tolu tausaga.
O le faasilasilaga lenei mai le Palemia, Christopher Luxon faatasi ma le minisita o le soifua mālōlōina, Simeon Brown ananafi a o faailoa ai suiga o loo aga’i iai le malo e faafaigofie ai ona vaai foma’i faaleaiga.
E ese mai i lea, o lea foi ua vaavaai iai nisi o faamanuiaga mo falema’i laiti i tua lea e o iai tagata mo foma’i faaleaiga ma ia faaopoopo le oo atu i le 400 isi tausi soifua ua i’u i tausaga ta’itasi e amata mai i le tausaga lava lenei.
O totonu o le tupe tele ua faailoa mai o loo afifi mai ai le faia o le digital health service fou e 24 itula, 7 aso o le vaiaso ina ia mautinoa o loo maua uma e tagata fesoasoani tau le soifua mālōlōina ma ia lava le aufaigaluega.
O le 100 foma’i faaopoopo a’otauina i atunuu mamao ua ta’ua, e amata talia aloa’ia i le taimi e lesitala ai e galulue i totonu o Niu Sila.
Puna o Faamatalaga: GP boost: Govt reveals plans for 100 new doctors, $285m ‘uplift’
