Ua toe faailoa mai e le malo le isi $26 miliona faaopoopo e fesoasoani i le au faifaatoaga ma le au failafumanu ao toe tau atiae ai i le uma o le afā o Gabrielle.
O le fesoasoani lenei e ese mai le uluai $25 miliona na faamatuu mai i faifaatoaga ma failafumanu i le lua vaiaso talu ai, lea ua silia ma le 2,800 talosaga ua faaoo mai ae pe a ma le toe $8 miliona lea e totoe ua uma ona totogi atu le $17 miliona.
O faifaatoaga ma failafumau i Tairawhiti ma Hawkes Bay lea ua matuai mafatia ona o le tele o atinae ua faaleagaina, ma na faailoa e le Minisita ua faapitoa mo galuega faamamā o le afā ia Grant Robertson ananafi o se faaopoopoga ua toe aumai e le malo ao faaopoopo pea talosaga.
O fesoasoani foi nei o loo mafai ona faatalosagaina online ae afai e le o iai se initaneti o loo mafai ona fesootai ma sui o le matagaluega a le Primary Industries lea o loo o atu i tua.
