Ua agiga i upega o fesootaiga ma le social media alofaaga o tagata i le fitafita Ausetalia o Sage O’Donnel lea ua faamaonia le fasiotia a o tau ai mo Ukraine i le taua ma Rusia.
O faalapotopotoga o le Australian Federation of Ukrainian Org ma le Association of Ukrainians in Victoria ua faailoa lo latou faaaloalo ia Sage ma lona aiga ma o latou ta’ua ai i se faatalanoaga ma le SBS o ooooga ia o osofaiga a Rusia ia Ukraine ma ua alagatatau lava ona fai iai se faatatau a le lalolagi.
E le gata i faalapotopotoga nei ae o le lautele o le atunuu ua molimoli alofaaga ma faamaisega mo lona aiga aemaise uo.
E toatele fitafita Ausetalia e iai foi sootaga ia Ukraine o loo tau ai foi i le taua lea ma le finauga ma Rusia.
