I le amatalia o le taaloga faitupe o le TV Bingo i le masina o Setema o le tausaga e 2017 lea na amata e se faalapotopotoga tuma’oti sa faaigoaina o le Sinaupualofa, o ni tausaga mulimuli ane na faagaioia ai e le pulega o taaloga o petipetiga seia oo ina faamuta i le masina nei o Iuni ua le toe faia.
O le Aso Toonai na tea nei o le taaloga mulimuli lea o le TV Bingo i Samoa e pei ona faailoa ai e le pulega o le Sportslotto.
Ua mafua ona faamuta ona ua le toe toatele ni tagata e faatauina pepa ma ua manino ai ua palasi maualalo ai ma tupe maua a le pulega o taaloga o petipetiga o se auaunaga a le Malo o loo pulea taaloga faitupe uma i le atunuu.
Ua faailoa e le pulega Sportslotto sa pulea le National TV Bingo, o le a iai se isi taaloga o le a faia i se taimi e le o iloa poo afea, o le a tautua ai le atunuu aemaise lava i latou e fiafia i taaloga bingo ma isi taaloga o petipetiga.
