O le vaega poo le team sa faagaioia le Keep NZ Beautiful ua faamavae uma ma ua tuuina foi se lapataiga e tusa o le tulaga e ono iai le faalapotopotoga i ni nai vaiaso o lumanai.
O le charity lea na mafua ai le faaupuga “Be a tidy kiwi” na faatuina ina ia faamalosia lo latou faalauiloa o le puleaina o le otaota talu mai le 1979, ae ua faailoa i lipoti a le televise tasi i le vaiaso nei le upuia e le Ofisa Sili o le faalapotopotoga lea, Heather Sunderson, o le malo i faiga fai faamalosi (bullying) aemaise o le lē lava o le faatupeina o le faalapotopotoga.
Fai mai ua tuuina atu nei se tusi a le Ofisa Sili i le matagaluega o le Siosiomaga e talosagaina ai se fonotaga a le matagaluega ma sui o le faalapotopotoga ma ua faailoa i le lipoti e se sooupu mo le minisita o le siosiomaga, o loo faatalanoa nei e le matagaluega ma le fono faatonu lenei mataupu.
Puna o Faamatalaga: https://www.1news.co.nz/2024/05/28/all-staff-at-be-a-tidy-kiwi-charity-resign-over-govt-bullying
