O le tagata faigaluega sinia i le matagaluega o le puipuiga a Ausetalia lea sa lipotia atu i talafou i le vaiaso ua tea ua faamalolo lē tumau, ua faailoa i le aso ananafi ua faamavae mai lona tofiga.
O Kathryn Campbell na faamalolo lē tumau ona o lona aafia i le Robodebt scheme ma o ia sa faauluulu iai le faagaioia o lea faiga i tausaga ua tuanai.
O ia foi sa avea ma failautusi o le matagaluega o auaunaga tau tagata le Human Services dept mai le 2011 i le 2017.
Ua faamaonia mai foi e le matagaluega o le puipuiga ua latou taliaina le faamavaega a Campbell sa amata faamamalu i le Aso Faraile na tea nei 21 o Iulai.
