E 12 moliaga uma a leoleo ua tuuina atu i le faamasinoga faasaga i le alii Saina faipisinisi o Tao Liu poo Liu Tao e 46 tausaga le matua o Siusega ma le atunuu o Saina.
O moliaga e aofia ai solitulafono e tolu o le taumafai e faaoo le oti, ma moliaga o le umia o se laau malosi, umia o ututau ma le faapā o se laau malosi o le ituaiga o le 22 pistol semi automatic.
O loo faaauau pea ona taofia lea alii faipisinisi Asia i le vaaiga a leoleo a o tapena ai lana loia e tuuina atu se talosaga e tatala ai i tua, o se talosaga o loo teena e leoleo.
E le’i tuuina atu se tali a lē ua molia ae ua faatali i le isi vala’auga o moliaga ua faatulaga mo le aso 24 o le masina o Fepuari.
