O loo ua faamautu mai e le kamupani a le Pfizer o loo tumau pea le faamoemoe ile tuuina mai o le tusa ma le 1.5 miliona o dozes o le tui puipui mo Niu Sila I le tausaga nei.

Ua faatulaga ane e Peretania nisi o tulafono mo le auina ese mai o oloa mai kamupani o pharmaceutical companies o loo latou gaosia le tuipuipui o le koviti 19 mo isi atunuu.

Ise pepa o faamatalaga mai le Pfizer ua taua ai o loo tumau pea le naunautaiga ina ia kiliva le maliega lea ma le malo o Niu Sila ina ia sapalaia mai ai le 1.5miliona o dozes mo lenei tausaga.

Faaalia e le Pfizer e taua le leai o nisi tulaga e faatulaga e faigamalo I itu tau felauaiga e ono faaletonu ai le kilivaina o le tui puipui I gasegase uma I le lalolagi.

Ose finagalo faaalia o se tasi o faatonu mai le College of GPs o Bryan Betty na ia taua ai ile stuff  o le faia o aiaiga a peretania i ana oloa auina mai I fafo o se popolega lea ma ua oo I le taimi e tatau ai ia niusila ona silasila ini avanoa e mafai ai ona gaosia ia tuipuipui I le atunuu.

Na ia faaalia foi e tatau I le malo ona matua faamautu le maliega lea ma le kamupani aua o loo iai le avanoa e le mafai ona faatonutonu lelei e Niu Sila le faagaioia o le maua mai o ia tui puipui I le lumanai