Ua faamautu nei le galulue faatasi o le lālā o Malo Aufaatasi e gafa ma polokalame o le atina’e le UNDP ma le pulega o tagata tafafao mai fafo e ala i se sainiga lima ua fausia ai se autasiga poo le Memorandum of Understanding.
E 2 tausaga o lea faigapaaga o le a fetufaa’i ai le UNDP ma le pulega o tagata tafafao e faatino ni faiga faavae e taulai i le faaleleia o le atina’e o tulisi ina ia mafai ona pulea lelei.
O loo fuafua foi lea faiga paaga e faaleleia tulaga i fesoota’iga ma isi auaunaga tāua e fesoota’i i le atina’e.
O le faauluuluga o le ofisa o le UNDP i Samoa le tamaitai o Aliona Niculita na sainia le faiga paaga ma le Ofisa Sili o le pulega o tagata tafafao le faletua o Toleafoa Pativaine Petaia Tevita.
