Ua faailoa e le Penrith Panthers i le asō le agai ese o Taylan May mai le kalapu mo le sailia o isi avanoa e pei ona ta’ua ai i le latou pepa o faamatalaga ma lipotia i le ABC.
Ua faailoa foi e le AAP e talitonu ua iai se maliega i le va o le Panthers ma May i se vaegatupe e totogi iai, e pei ona silafia sa faamata’u ane May o le a ia ave le kalapu i le tulafono mo le taumafai e faauma lana konekarate a o faatalia ai pea le mataupu loo aofia ai ina ua molia i moliaga tau sauaga i totonu o aiga lea o loo ia tetee iai.
I le lipoti la a le ABC i le asō ua ta’ua ai e le Panthers ua faamatuu atu May mo le sailia o isi avanoa ae lē o auiliili ai poo ā tonu nisi vaega o lea maliega ua taunuu iai ma le alii taalo.
Puna o Faamatalaga: https://www.abc.net.au/news/2024-07-05/penrith-panthers-release-taylan-may/104062094
