Ua faamatala e le tina o se teineitiiti 4 tausaga na osofa’ia e se ta’ifau, le tāua o le mata’itū lelei o ta’ifau i autafa ane o le fanau.
Fai mai le faamatalaga o le mataupu lea sa iai le popolega o lea tinā i le ola o si ana tama ona o le faalavelave ua tupu.
Sa faimālōlōga si aiga i Quindalup e lata i Dunsborough i le itu i Saute o WA poo Western Australia.
Ua lipotia na vaaia se ta’ifau o le ituaiga o le Rottweiler o momo’e aga’i i le teineitiiti ma toso le teineitiiti aga’i i le sami e ui i taumafaiga a lona aiga e aveese mai le teineitiiti.
E tele vaega o lona tino na aafia ma faavave atu ai i le falema’i i Perth mo se ta’otoga faavavevave ae ua faailoa e le pulega faalotoifale a le faaitu lea na osofa’ia ai le teineitiiti ua faia nei le su’esu’ega i lea mataupu ma ua mae’a faalalo le ta’ifau.
O le fautuaga a le tinā o si teineitiiti e ao ona silasila i itu tau le puipuiga mo tagata uma i si’omaga e iai ta’ifau ma ia malamalama le to’atele i uiga o meaola auā e iai lava le taimi e ogaoga ai aafiaga i le soifua e mafua mai i gaioiga a meaola aemaise lava ta’ifau.
Puna o Faamatalaga: https://www.abc.net.au/news/2025-01-15/girl-survives-savage-rottweiler-dog-attack-dunsborough/104813116
