Saunoa le Palemia o Niu Sila, Chris Hipkins o le mafutaga a Niu SIla ma Saina e tāua ma lautele.
O lana faamatalaga lea na faia ina ua feiloai atu i le taitai o Saina, Xi Jingping i le po anapo a o iai i lea atunuu mo le malaga e atoa le vaiaso.
Faailoa e le Palemia ua ia faamamafa le taulaiga o le latou faigamalaga ina ia toe faamalosia sootaga tau le tamaoaiga i le va o atunuu e lua e ala i le lagolago i pisinisi e toe faafou o latou sootaga ma paaga i Saina ma fesoasoani ia faatupulaia nisi pisinisi fou e lagolago ai le toe faaleleia o le tamaoaiga o Niu Sila.
Fai mai le Palemia sa o la faatalanoaina vaega e tele o le mafutaga a atunuu e lua e aofia ai ma sootaga tau le tamaoaiga ma tagata, sootaga i aganuu ma mataupu tau fefaatauaiga, aoaoga, faasaienisi, faatoaga ma le tulisi.
Fai mai Hipkins sa ia lotea foi le mataupu i le tāua o le galulue faatasi e lagolago tulafono faavaomalo ma isi mataupu e pei o suiga i le tau ma le taua i Ukraine.
O se taimi o le asō e feiloai ai foi Hipkins ma le Premier o Saina o Li Qiang mo isi faatalanoaga.
