Ua faamaonia le amata o le taamilosaga o le Super Rugby Pacific I le masina o Fepuali o le tausaga fou. O loo taumafai foi au a le Fijian Drua ma le Pacific team e faamautu tama taaalo mo lea taamilosaga.
Faailoa e le ofisa sili o le Tonga Rugby Union Peter Harding I le RNZ Pacific, a itiiti mai pe 80 pasene o le Moana Pasifika squad o le a agavaa e fai ma sui ole Manu Samoa faapea foi le Ikale Tahi. E 38 tama taaalo o loo aofia ai ma o le toa 31 o I latou e mafai ona agavaa a le o le manu samoa o le ikaletahi.
Fai mai le sui o le Pacific Rugby Players, Hale T Pole e taua tele le galulue faatasi o le faiaoga o le Manu Samoa, Seilala Mapusua ma le faiaoga o le au a Tonga, Toutai Kefu ile faatinoga o lea filifiliga.
O le taitaifono o le Moana Pasifika Sir Michael Jones na ia taua I lea lava lipoti e ui ona o le koviti e foliga mai ai o le a faia pea taaloga I lana au I Niu Sila nei , e naunau foi ina ia faia ni taaloga I Samoa ma Tonga pe afai e mafai I lalo o tuutuuga o le koviti.
