O lē sa avea muamua ma Sui Palemia o le atunuu, Paula Bennett ua ia faamaonia ane i le autusitala o loo ia fuafua e momo’e i le faigapalota mo le pulenuu o Aukilani i le 2025.
O lana faamatalaga lea na faia i le Herald, fai mai a ia toe 18 masina o totoe ona faia lea o le palota ae leai se isi na te iloa mea e tutupu i totonu o le isi 12 masina o lumanai.
O lana faamatalaga i le Newshub ua ta’ua ai o ia e lē o fiafia i le tulaga o iai le aai ma lē o loo avea nei ma pulenuu.
O le Ofisa Sili o le Auckland Business Chamber Simon Bridges ma le councillor o Josephine Bartley sa fesiligia ai i le mataupu lea ma saunoa ai Bartley o ai lava e tulai mai i le tofiga lea o le pulenuu o le a feagai ma se galuega fita.
