O le tower lea ua 109 tausaga talu ona fausia ma e tusa ma le 30mita lona maualuga o loo iai nei i le faaitu o Mt Eden i Aukilani, sa faia iai suesuega a inisinia ma iloa ai o matagi malolosi e ono pa’ū ai.
Fai mai lipoti i le televise tasi o le tower lea o loo lisiina o se tasi o nofoaga ua autausagā ma e pau foi lea o le ituaiga fale ua fausia i le ituaiga fausaga lea i totonu o lenei itulagi atoa.
Ua faailoa mai e le faatonu o se tasi o vaega o le Pulega a Aukilani o loo feagai ma le mataupu lenei ua faamaonia mai nei le ioeina e le matagaluega Ministry of Business, Innovation and Employment o le amataina o le tuuina i lalo o lea tower ma e amata a taeao ma tatau ona faatinoina i le 7 aso.
Ua ta’ua ai foi i le lipoti o i latou uma e aumau i le vaipanoa lea ae na agai ese mai ma o latou fale ona o le afā o le a le mafai ona toe agai i o latou fale i le taimi sei vagana ua mae’a le galuega lea o le tuuina i lalo o lea fale tele.
