Ua tuuina mai le faaiuga a le Faamasinoga Sili e faatatau i le mataupu na molia ai nisi o le vaega faaupufai e Puipuia Aiā Tatau o Tagata e aofia ai ma le latou taitai faatasi ai ma nisi o sui lagolago a lea patī ma se sui faasalalau e toatasi.

O lea iuga ua faamaonia ai moliaga faasaga i sui e to’a 3 mai le to’avalu na molia e aofia au le taitai o le Ituagai Tuilaepa Lupesoliai Sailele Malielegaoi, o le susuga i le failautusi o le HRPP Lealailepule Rimoni Aiafi ma le tamaitai Loia Maiava Visekota Peteru i le faalemigao i le faamasinoga. O le isi to’a 5 ua lē faamaonia nei tuuaiga. 

E ui i lea ae ua manatu le Faamasinoga Sili tauala atu i le faaiuga a Alii Faamasino mai Niu Sila ma Ausetalia na galulue i lenei mataupu o le ā leai ni faasalaga e tuuina atu iai latou nei e toatolu ona o se maliega i le va o patī e lua e taua o le “Harmony Agreement”

“We were urged to discontinue these proceedings to allow Samoa to move on”

E talitonu nei alii faamasino e ui e lei iai se manatu e taofia ai le faagasologa o le mataupu ae ua usitai lava i le talosaga a patī ma le faia ai ni faasalaga.

O le vaega atoa lenei o le faaiuga o le mataupu i le faalemigao i le faamasinoga i le gagana faaperetania;