Ua faamaonia mai e leoleo e to’atasi si tagata ua maliu ina ua lavea se taavale na soso’a atu ai se fale i le itu i Saute i Sisifo o Sini i le vaveao analeila.
Fai mai le 7News o se taavale o le ituaiga o le Toyota Corolla na sesee ese ma le auala ma aga’i sa’o i se pa ma soso’a atu ai le pito i luma o se fale.
E lē o iloa pe na faapefea ona sesee ese le taavale mai le auala ae o se tasi alii sa i fafo ane o le fale lea, na lavea ai i le taavale ma e ui i galuega lavea’i a paramedics peitai e lei manuia ma maliu ai lava, o se alii pe ā ma le 20 tausaga le matua ma o loo faatalia faamaoniga poo ai tonu sia tagata.
O le avetaavale o le taavale na lavea e 24 tausaga ma na pu’eina ai e leoleo i lea nofoaga ma ave i le falema’i mo siaki.
Na mulimuli ane toe ave i le ofisa o leoleo i Campsie ma faia ai loa moliaga o le avetaavale faatamala ua mafua ai le maliu.
E lei mafai ona tatala i tua ae toe tula’i i le faamasinoga i Paramatta i le asō.
O loo faagasolo su’esu’ega a leoleo.
Puna o Faamatalaga: https://7news.com.au/news/man-dies-as-car-crashes-into-home-at-wiley-park-in-southwest-sydney–c-16303487
