E toalua ni tagata malaga ua taunuu ane i Amerika Samoa ua faamaonia le aafia ile koviti19 ile maea ai ona taunuu ane i Amerika Samoa ise malaga a le
Hawaiian Airlines. Lipotia e le RNZ Pacific o pasese uma e 282 mai le faigamalaga lea ile aso 18 o Novema sa negative uma a latou siaki na faia peitai o i laua e toalua e pei ona taua, na maua ile faiga o siaki lona lua.
Saunoa le faatonu ole Soifua Maloloina ile atunuu, Motusa Tuileama, o le toalua e pei ona lipotia o loo ua iai nei i nofoaga faanofoesea. Ua atoa ai le toafitu o tagata ua faamaonia le aafia ile faamai, oi latou uma ia o tagata malaga ane I le atunuu ma faanofoesea ai ma iloa ai i suesuega na faia o loo aafia ile koviti 19.
I isi cases o le koviti mai le pasefika ua faailoa ai mai le Northern Marianas e 32 isi cases fou ua faamauina ma ua atoa ai le 604 o cases ile atunuu talu mai le masina o Mati. I Papua Niu Kini, ua taunuu se au mai Siamani, o le medical team e fesoasoani ile tulaga o le koviti ile atunuu, ose tali ane lea ile talosaga a Papua Niu Kini mo se fesoasoani ile tulaga pagati aua iai mai le faamai.
